Senin, 21 Oktober 2019Tentang Kami|Kontak Kami
CeriaSastra & Humor
Fikmin
Randa Midang
Minggu, 24 September 2017[315]

AWAKNA teu pati jangkung, moal ngaleuwihan jangkungna pager awi hareupeun buruan. Najan loba kembang nu alus jeung seungit di sabudeurna, teu matak jadi leutik haté. Cukup ngarasa sugema geus jadi pamager sari. Mangsa ligar , teu saeutik kukupu nu kapikat. Nganjang pikeun nyeuseup sarina. Ayeuna halodo mimiti namu. Ngajurung nu ligar jadi layu. Euweuh kukupu nu kapikat deui. Tuluy ngarangrangan. Ngaheruk alum, nalangsa. Tepi kana waktuna, nalangsa beuki pohara. Randa midang leungit panarikna. Antukna dirabut paksa, dibalangkeun kana lombang. Teu dipaliré deui.*

Nyimas Kanjeng Ratu Yuyu - kisuta.com


TAG TERKAIT